Concurso
«Xoga en Galego»

Certame de creación de xogos de mesa en galego para público infantil e familiar.

Poderedes participar todas as persoas e/ou grupos da provincia da Coruña que así o desexedes, baixo a aceptación e cumprimento destas BASES.

Nesta páxina web colgaranse todos os xogos que concurran no concurso, para o seu libre uso e disfrute. Deste xeito, disporase dun repositorio de xogos descargables e imprimibles en galego, para seren xogados por calquera persoa.

Os obxectivos que se buscan son:

  • Dinamizar o uso da lingua galega entre o colectivo infantil e familiar en contextos educativos e sociais diversos.
  • Potenciar a creación lúdica colectiva.
  • Impulsar procesos e actividades de dinamización lingüística relacionados directamente co xogo para colectivo infantil e familiar en contextos e tempos de lecer dun xeito participativo.

Concíbese, pois, dunha ferramenta para a dinamización lingüística, ao tempo que se propician procesos e mecanismos de participación e creatividade colectiva cuxos resultados se compartirán co resto da cidadanía, creando sinerxias sociais moi positivas.

Ficheiros para descargar:

Máis información en: info@xandobela.info