A Gentalha do pichel somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes como festas ou brinquedos, a nossa história, a nossa música… som os nossos eixos de trabalho.
A.VV AS MARIAS é umha associaçom vizinhal situada no bairro da rua de Baixo, lugar onde nascerom as vizinhas que nos dam nome “As Marías”. Temos o objetivo de criar rede no bairro, reivindicar melhoras nas nossas ruas e recuperar a memoria e costumes da nossa vizinhança, entre elas, os xogos tradicionais.
MAIS INFORMAÇÃO
Ambas associaçons partilhamos bairro e fazemos iniciativas conjuntas como a recuperaçom de jogos tradicionais que se adoitavam fazer nas festas de cada bairro, tales como “O jogo dos Pucheiros” ou o “Mancha-te e lava-te“.
Queres saber mais? Aqui contamos o proceso:
Foi nas Festas da Rua de Baixo de 2017, num “Passeio de Jane”, quando descubrimos um tesouro. Um programa das festas do ano 1956. Nel falavam dum divertido jogo chamado “dos Pucheiros” e, desde a comissom de Cultura da Gentalha do Pichel nom puidemos ficar quietas. Decidimos, em colaboraçom com a associaçom As Marias, tentar recuperarmo-lo para dar-lhe vida no programa das festas 2018. Falando com a vizinhança que leva mais tempo no bairro, soubemos de quando, onde e como se fazia e ademais descubrimos muitos outros jogos participativos que ficarom no esquecemento. Esta iniciativa pretende ser umha chama para que prenda em outros bairros festeiros e assi recuperarmos entre todas este tipo de dinámicas culturais que nos unem e tecem bairro.
Neste vídeo as vizinhas e os vizinhos maiores do bairro explicam-nos como jogar, e a cativada (e gente nom tam cativa) mostra-nos o divertido que é!
Jogas? Toca-che!
CONTATOS
A GENTALHA DO PICHEL:
A.VV. AS MARÍAS:
GALERÍA
