Categorías
<30 minutos 12+ 18+ 4+ 6+ ate 4 persoas Cartas dúas persoas Require montaxe

Recunca, recunca

Este xogo e unha homenaxe á nosa gastronomía e ás avoas galegas, que sempre insisten en que recunquemos.

As cartas teñen cada unha 3 comidas típicas galegas (orella, chourizo, vieira, pementos, polbo, chinchos, churrasco, empanada, nécoras).

Repártense todas as cartas e as deixamos nun monte boca abaixo diante de cada xogador.

Todos á vez darémoslle a volta á carta superior:

Para os/as máis pequenos/as, se coincide unha comida en 2 cartas poñemos a man no centro e dicimos “RECUNCA”, mais o nome do alimento repetido e levamos as cartas que conteñan dito alimento (se non coinciden, acumúlanse; se acumularon levan todas as cartas dese monte).

Para os máis maiores, podemos complicalo facendo que teñan que coincidir 2 alimentos para poder berrar “RECUNCA”.

Se xogan máis de 2 persoas, e importante lembrar que so levaran os montes onde existen alimentos coincidentes, o os outros montes quedan de bote.

Ao final gaña quen teña a morea maior de cartas.

  • Autoría: Iria Fernández García e Paula García Álvarez
  • Idades: 4+ anos
  • Participantes: 2 – 4 persoas
  • Duración media dunha partida: 5 minutos
  • Require traballo previo? Non
  • Materiais adicionais necesarios: Non